काठमाडौं, बर्दिया राष्ट्रिय निकुञ्ज अन्तर्गत पूर्वपश्चिम राजमार्गको अम्रेनी पोष्टदेखि पश्चिम कुँवाभार नजिक दुइ जना सबार मोटरसाइकलमा पटेबाघले आक्रमण गरी लिएर गएको छ। कैलाली जिल्लाको लम्किचुहा नगरपालिका ४ की ५० नन्दकला थापालाई पाटेबाघले झम्टेर लगेको निकुञ्जले जनाएको छ।
आमा छोरा सबार मोटरसाइकललाइ शुक्रबार राति करिब साढे ८ बजेतिर पाटेबाघले आक्रमण गरेको र आक्रमण गरी आमालाइ चैं बाघले लिएर गएको थियो। मोटरसाइकल चालक छोरालाई सामान्य चोट लागेको छ भने महिलाको अवस्था अझैं अज्ञात रहेको प्रहरीले जनाएको छ।
बाघले आक्रमण गरेको खबर पाएलगत्तै निकुञ्जको टोली र निकुञ्ज सुरक्षार्थ खटिएको नेपाली सेनाले हात्तीको सहायताबाट महिलाको खोजी गरिरहेको बर्दिया निकुञ्जका प्रमुख संरक्षण अधिकृत विष्णुप्रसाद श्रेष्ठले बताए।
बर्दिया रास्ट्रीय निकुञ्ज अन्तरगत यस क्षेत्रमा राती मोटरसाइकल, साइकल र पैदलयात्रुलाई हिँड्न जोखिम हुने गरेको भन्दै अबदेखि बेलुका निकुञ्ज क्षेत्रमा पर्ने राजमार्गमा राती आवजजावज गर्न प्रतिबन्ध लगाउने विषयमा छलफल गरिने निकुञ्ज श्रोतले जनाएको छ।
