काठमाडौं । सत्तारूढ नेपाल कम्युनिस्ट पार्टी (नेकपा)को स्थायी कमिटी बैठक सुरु भएको छ । प्रधानमन्त्रीको सरकारी निवास बालुवाटारमा बैठक सुरु भएको हो ।
आजको बैठकमा प्रधानमन्त्रीसमेत रहेका पार्टी अध्यक्ष केपी शर्मा ओली उपस्थित भएर फर्किएका छन् ।
सरकारी काम परेकाले ओली बैठकमा उपस्थित भएर बाहिरिनु परको उनका प्रेस सल्लाहकार सूर्य थापाले जानकारी दिए ।
नेकपाको बैठक बिहीबारदेखि सुरु भएको हो ।
स्थायी कमिटीमा आज सीमा समस्या समाधान र कोभिड–१९ नियन्त्रणमा सरकारले गरिरहेका कामबारे समीक्षा गरिने वरिष्ठ नेता झलनाथ खनालले जानकारी दिएका छन् ।
