सतीले सरापेको सिन्धुपाल्चोक

प्रभाष गौतम

भुकम्प आयो
हजारौंका महल भत्कियो
सयौंका ज्यान खायो
रहेका केही झुपडी थिए
पहिरो आयो
सबै पुरेर गयो
बिस्तारै टिनका छाप्रा बन्दै थिए
बाढी आयो
बगाएर गयो
विदेशबाट सहयोग आयो
भ्रस्टाचारको
खोलाले बगायो
टहरा बनाउन पाल आयो
गाउँ आइ नपुगी
हावाले उडायो
खोला-नाला, चुरे पहाड सबै
क्रसर वालाले पायो
सरोकर वालाको ध्यान
कमिसन मै हरायो
बिपना प्राकृतिक प्रकोपले खायो
सपना आँसुका धाराले बगायो
कठै
सतीले सरापेको सिन्धुपाल्चोक
हेर्दा हेर्दै आखैँ अगाडी बिलायो