चितवन: चितवनको इच्छाकामना गाउँपालिका ६ चारकिलोमा आज बिहान साढे ४ बजेतिर खसेको पहिरो डोजर लगाएर पन्छाएपछि मुग्लिन सडकखण्ड ६ घण्टापछि खुलेको छ ।
उक्त सडकखण्डमा बेलाबेला पहिरो जानेकारण उक्त राजमार्ग भएर काठमाडौ जाने र काठमाडौबाट पश्चिम जाने सबारीहरु समस्यामा पर्ने गरेका हुन।
उक्त सडकखण्डमा लेदो माटो र ढुङगासहितको पहिरो खसे पछि बन्द भएको सडक ६ घन्टा पछि आज बिहान साढे १० बजेदेखि सञ्चालनमा आएको मुग्लिन प्रहरीले जनाएको छ ।
