काठमाडौँ : स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोभिड-१९ संक्रमणका कारण ६८ जनाको मृत्यु भएको छ भने हालसम्म देशभर ७ हजार ४ सय ५४ संक्रमितको मृत्यु भइसकेको छ ।
मंगलबार २० हजार १ सय ६५ जनाको परीक्षणमा ६ हजार ८५ जनामा कोभिड सन्क्रमण देखिएको छ भने हालसम्म ४ लाख ५४ हजार ३ सय ४४ जना संक्रमणमुक्त भइसकेका छन् ।
हालसम्म ५ लाख ६६ हजार ५ सय ८७ संक्रमित देखिएका छन् । देशभर सक्रिय संक्रमित १ लाख ४ हजार ७ सय ८९ छन् । मंगलबार काठमाडौँमा १ हजार ६०, भक्तपुर २ सय १५ र ललितपुरमा २ सय ८३ संक्रमित थपिएका हुन् ।
