लन्डन । बेलायतमा २० हजार स्वास्थ्यकर्मी र उनीहरुका परिवारको कोरोना परीक्षण गरिएको छ ।
बेलायत सरकारका अनुसार बेलायतको राष्ट्रिय स्वास्थ्य सेवामा कार्यरत स्वास्थ्यकर्मी र उनीहरुका परिवारको कोरोना परीक्षण गरिएको हो । विभिन्न १३ स्थानमा कोरोना परीक्षण साइटबाट ९ हजारको जाँच गरिएको बताइएको छ ।
एक दिनमा करिब १४ हजारको कोरोना जाँच गरिएको पनि बताइएको छ । बेलायतका हालसम्म कोरोना संक्रमितको संख्या ५५ हजार २४२ पुगेको छ भने ६ हजार १५९ को मृत्यु भएको छ । -बीबीसी
