काठमाडौं । नेपाल वायुसेवा निगमको जहाज अस्ट्रेलियाको ब्रिसबेनमा ल्यान्ड भएको छ ।
लकडाउनका कारण नेपालमा रोकिएका अस्ट्रेलियाका नागरिक लैजान नेपालस्थित अस्ट्रेलिया दूतावासको पहलमा निगमको चार्टर विमान त्यहाँ पुगेको हो ।
अघिल्लो दिन साँझ ६ बजेर ९ मिनेटमा उडेर विमान मलेसियाको क्वालालम्पुरमा इन्धन भर्दै अस्ट्रेलियाको ब्रिसबेन पुगेको हो ।
यसअघि दूतावासले अस्ट्रेलियाको सिड्नी उडान गर्ने भनी सूचना सार्वजनिक गरे पनि ब्रिसबेन उडान गरिएको हो ।
विमानमा क्रु मेम्बरसहित २ सय ५७ जना अस्ट्रेलियाली नागरिक थिए ।
निगम एयरबसको वाइडबडीबाट पहिलोपल्ट अस्ट्रेलिया पुगेको हो । नेपालले ५ महिनाअघि मात्रै अस्ट्रेलियासँग हवाई सम्झौता गरेको थियो ।
तस्बिर : अरुण तिवारी–ब्रिसबेन
