काठमाडौं । जर्मनीमा १० गुणा बढी कोरोना संक्रमित हुन सक्ने आशंका गरिएको छ । जर्मनी अधिकारीहरु कोरोना संक्रमितको जुन तथ्यांक बाहिर आएको त्यसको १० गुणा बढी भएको हुन सक्ने बताएका हुन् ।
यो दाबी बान युनिभर्सिटीको रिसर्चले गरेको हो । रिसर्चका अनुसार जर्मनीमा १८ लाख व्यक्तिमा कोरोना संक्रमण हुन सक्छ । हाल जर्मनीमा १ लाख ६० हजारमा कोरोना संक्रण पुष्टी भइसकेको छ ।
यो अध्ययन जर्मनीको हेन्सवर्ग सहरमा गरिएको बीबीसीले जनाएको छ । यस अध्ययन अनुसार, कोरोना भाइरस संक्रमित ५ मध्ये एक जनामा कुनै लक्षण देखिएन ।
जर्मनीमा ७ हजार भन्दा धेरैको कोरोनाका कारण ज्यान गइसकेको छ । छिमेकी देशको तुलनामा कोरोनाका कारण निकै कमको ज्यान गएका कारण जर्मनीले लकडाउनमा छुट दिएको छ ।
