काठमाडौं । कोरोना भाइरसको संक्रमणका कारण विश्वमा ज्यान गुमाउनेको संख्या ६ लाख ६८ हजार नाघेको छ ।
विश्व स्वास्थ्य संगठनका अनुसार कोरोनाका कारण विश्वमा हालसम्म ज्यान गुमाउनेको संख्या ६ लाख ६८ हजार ७३८ पुगेको छ ।
कोरोनाले सबैभन्दा धेरै ज्यान गुमाउने देशको सूचिमा अमेरिका पहिलो स्थानमा छ भने दोस्रोमा ब्राजिल छ ।
सबैभन्दा धेरै अमेरिकामा १ लाख ५३ हजार ४ सय ७ जनाको ज्यान गएको छ भने ब्राजिलमा ९० हजार १सय ३४ जनाको कोरोना संक्रमणका कारण मृत्यु भएको छ ।
हालसम्म विश्व भरिमा १ करोड ७१ लाख ४६ हजार ६ सय ५१ जनामा कोरोना संक्रमण देखिसकेको छ । यसमध्ये १ करोड ६ लाख ६६ हजार ८ सय ३६ जना निको भएर घर फर्किसकेका छन् ।
नेपालमा १९ हजार १ सय २५ जना संक्रमीत मध्धे ४९ जनाले ज्यान गुमाएका छ्न भने १४ हजार २१ जना घर फर्किएका र बाकिको उपचार भइरहेको जनाइएको छ।
चीनबाट सुरु भएको कोरोना भाइरसको संक्रमण विश्वका २१६ देशमा फैलिसकेको विश्व स्वास्थ्य संगठनले जनाएको छ ।
सुरुका केही समय अमेरिकन देशमा सबैभन्दा धेरै प्रभाव देखिएको कोरोना भाइरसको संक्रमण तुलनात्मक रुपमा अफ्रिकन देशमा कम फैलिएको थियो ।
यद्यपि पछिल्लो समय अफ्रिकन देशमा पनि कोरोना संक्रमण महामारीकै रुपमा फैलिएको विश्व स्वास्थ्य संगठनको तथ्यांकले देखाउँछ ।
