केही दिन अगाडि पर्वतको कुश्मा नगरपालिका-१ सहस्रधारामा पहिरो झर्दा सडक अवरुद्ध भएको सडक आज बाट खुलेको छ । अवरुद्ध सडक आज (बिहीबार) बिहानबाट सञ्चालनमा आएको हो ।
निरन्तरको बर्षाको कारण पहिरो खसिरहने भएकाले बाटो खुलाउन नसकिएता पनि गए राति देखि वर्षा रोकिँदा सडक खुलाउन सकिएको जिल्ला प्रहरी कार्यालय पर्वतले जनाएको छ ।
सडक खुलेसँगै अलपत्र परेका सवारी साधन गन्तव्यतर्फ लागेका छन भने जनजीवन केही सहज भएको छ ।
