भारतको उत्तर प्रदेश प्रान्तको राजधानी लखनउमा रहेको कृष्णा नगर थाना क्षेत्रमा घरैमा होम क्वारेन्टीनमा बसेका बाबु छोराको मृत्यु भएको छ।
लाशको दुर्गन्ध आएपछि छिमेकीहरूले प्रहरीलाई खबर गरेका थिए । प्रहरी र स्थानीयहरुले घरको ढोका फोरेका हेर्दा दुईजनाको लाश देखिएको बिबिसि हिन्दिले जनाएको छ ।
परिवारका तिन जना मध्धे पत्नी रञ्जना को स्थिति निकै गम्भीर छ । कोरोना संक्रमित भएपछि तीनैजना घरैमा उपचार गरेर बसेका थिए ।
रञ्जना अपांगता भएकी महिला भएकाले कतै जान नसकेकी र पति र छोराको मृत्युपछि उनी निकै चिच्याउँदा समेत कसैले नसुनेको प्रहरीले जनाएको छ।
प्रहरीले पिता र पुत्रको शव पोस्टमोर्टमका लागि पठाएको छ भने रञ्जनालाई उपचारका लागि लोकबन्धु अस्पताल लगिएको छ।
