काठमाडौं । सरकारले संविधान संशोधनको प्रस्ताव संसद सचिवालयमा दर्ता गराएको छ ।
प्रधानमन्त्री तथा मन्त्रिपरिषदको कार्यालयका तर्फबाट संविधान संशोधनको प्रस्ताव संसद सचिवालयमा दर्ता गराइएको हो ।
सरकारले लिम्पियाधुरा, लिपुलेक र कालापानी समेटिएको भूभागको नयाँ नक्सा जारी गरेपछि संविधानमा रहेको अनुसूची संशोधनका लागि संशोधन प्रस्ताव दर्ता गरिएको हो ।
संविधानमा रहेको निशान छापभित्रको नक्सा परिवर्तन गर्न संविधान संशोधन गर्नुपरेको हो ।
संविधान संशोधनका लागि संसदको दुई तिहाई मत आवश्यक पर्छ ।
