मनसुनको सक्रियता सँगै देशका विभिन्न स्थानमा बिहीबार देखि वर्षा भइरहेको छ । बर्षा संगै बाढी र पहिरोले लमजुङ , कास्की, म्याग्दी , गुल्मी , लगायतका विभिन्न जिल्लाहरूमा धनजनको ठूलो क्षति भएको छ।
लमजुङको बेसीसहरमा पहिरोले दीपक तामाङको घर पुरिंदा दिपक सङै उनकी श्रीमती बिमाया तामाङ र छोरा सेवाङ तामाङ मृत्यु भएको छ भने
गुल्मीको कालीगण्डकी गाउँपालिकामा पहिरोमा पुरिएर एक जनाको मृत्यु भएको छ । कालीगण्डकी गाउँपालिका फुस्रेका ६२ वर्षीय पुरुषको शुक्रबार बिहान करिब ८ बजेतिर पहिरोमा पुरिएर मृत्यु भएको छ।
काठमाडौं उपत्यकामा पनि शुक्रबार बिहानैदेखि बदली भई पानी परिरहेको र चार दिनसम्म देशभरको मौसम बदली वर्षा हुने जल तथा मौसम बिज्ञान बिभागले जनाएको छ।
