चितवन । चितवनस्थित भरतपुर अस्पतालको आईसीयूमा शनिबार बिहान एक युवकको मृत्यु भएको छ ।
मृत्यु हुनेमा माडी नगरपालिकाका २७ वर्षीय युवक रहेका छन् ।
केही साता अघि भारतबाट फर्किएका उनको स्वास्थ्यमा समस्या देखिएपछि शुक्रबार भरतपुर अस्पतालमा भर्ना गरिएको थियो ।
आईसीयूमा भर्ना गरिएका उनको उपचारका क्रममा आज बिहान करिब साढे १० बजे मृत्यु भएको छ ।
मृतकको स्वाब संकलन गरी कोरोना परीक्षणका लागि पठाइएको अस्पताल स्रोतले जनाएको छ ।
