काठमाडौं । प्रतिनिधिसभाले सरिता गिरीको संशोधन प्रस्ताव अस्वीकृत भएपछि रिसाएर बैठकबाटै बाहिरीएकि छिन् । सभामुख अग्नि सापकोटाले गिरीले संविधान संशोधनको सर्त पूरा नभएको भन्दै संशोधन अस्वीकृत भएको बताए थिए ।
बैठक सुरु हुनासाथ सभामुख सापकोटाले नेकपाका अधयक्ष पुष्पकमल दाहाललाई बोल्न समय दिएका थिए ।
सांसद गिरी उठेपछि सभामुख सापकोटाले संशोधन अस्वीकृत भएको भन्दै गिरिलाई समय दिएनन् ।
नेपालको नयाँ परिमार्जित नक्सा निशान छापमा राख्ने विषयमा सरकारले ल्याएको विधेयकमाथि उनले संशोधन प्रस्ताव दर्ता गराएकी थिइन् ।
भारतले अतिक्रमण गरेको नेपाली भूमि कालापानी, लिपुलेक र लिम्पियाधुरामा नेपालको दाबी नपुग्ने भन्दै संशोधन दायर गरेकी थिइन् ।
