काठमाडौं । काठमाडौं उपत्यकामा शुक्रबार ११९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेवर गौतमका अनुसार पछिल्लो २४ घण्टामा काठमाडौं उपत्यकामा ११९ जना कोरोना संक्रमित थपिएको जानकारी दिएका हुन् ।
उनले भने,“काठमाडौंका ८३ जना, ६ जना भक्तपुरका र ललितपुरमा ३० जना कोरोना संक्रमित थपिएका छन् । ” उनका अनुसार राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका २३ जना ,भक्तपुरका ३ जना र ललितपुरका एक जनामा कोरोना देखिएको छ ।
पाटन अस्पतालमा गरिएको परीक्षणमा काठमाडौंका चार जना ,ललितपुका २६ जना र भक्तपुरका एक जनामा कोरोना देखिएको उनले बताए । बीएन बी अस्पतालको प्रयोगशालामा गरिएको परीक्षणमा काठमाडौंका एक जनामा कोरोना देखिएको छ ।
शुक्रराज ट्रपिकल तथा सरुवा रोग अस्पतालमा गरिएको परीक्षणमा काठमाडौंका १६ जना र ललितपुरका तीन जनामा कोरोना संक्रमण देखिएको उनले जानकारी दिए । नेपाल प्रहरी अस्पतालमा गरिएको परीक्षणमा काठमाडौंका १३ जनामा कोरोना देखिएको उनले बताए ।
स्टार अस्पताल सानेपामा गरिएको परीक्षणमा काठमाडौंका सात जना र भक्तपुरमा दुई जना कोरोना संक्रमित थपिएका छन् । ह्याम्स अस्पतालमा गरिएको परीक्षणमा काठमाडौंका १० जना , र नेपाल कोरिया मैत्री अस्पतालमा गरिएको परीक्षणमा काठमाडौंका सात जनामा कोरोना देखिएको उनले बताए ।
