न्युयोर्क, १८ चैत । संयुक्त राज्य अमेरिकाको न्युयोर्कमा नोभेल कोरोना भाइरसका संक्रमितको उपचार गर्नका लागि ६८ बेडको अस्पताल निर्माण थालिएको छ ।
कोरोना भाइरसका थप बिरामीको उपचार गर्न न्युयोर्कको सेन्ट्रल पार्कमा अस्पताल बनाउन लागिएको मेयर बिल डी ब्लासिओले बताएका छन् । यो अस्पताल भोलिदेखि सञ्चालनमा ल्याइने भएको छ ।
ब्लासिओले भने, “सेन्ट्रल पार्क संरक्षकहरुले पनि माउन्ट सिनाइ अस्पताल र सामरितान पर्ससँग मिलेर अस्पताल निर्माणको काम गरिरहेको छ । अमेरिकाको सबैभन्दा बढी कोरोना प्रभावित राज्य न्युयोर्क बनेको छ । हालसम्म न्युयोर्कमा करिब एक हजारको मृत्यु भइसकेको छ ।
अमेरिकाभर २४ सयभन्दा बढीको मृत्यु भएको छ भने करिब एक लाख ४० हजार संक्रमित छन् । राष्ट्रपति डोनाल्ड ट्रम्पले सोसल डिस्टेन्सिङ गाइडलाइनको अवधी मार्च ३० सम्म बढाइने बताएका छन् । – सीएनएन
