मुम्बई : बलिउड अभिनेत्री कंगना रनौतको चलचित्र ‘थलाइवी’ हालै रिलिज भएको छ। तर, चलचित्रले धेरै दर्शक पाउन नसकेको भारतीय सञ्चारमाध्यमले जनाएका छन् ।
यसैबीच, कंगनाले हलिउड चलचित्रप्रति आक्रोश पोखेकी छन्। उनले भारतीय दर्शकलाई क्षेत्रीय चलचित्रलाई प्राथमिकता दिन अपिल पनि गरेकी छन् ।
हलिउड चलचित्रप्रति आक्रोश पोख्दै उनले हलिउडले फ्रेन्च, इटालियन, जर्मनलगायत चलचित्र उद्योगलाई बर्बाद बनाइसकेको आरोप पनि लगाइन् ।
हिन्दी र क्षेत्रीय भाषाका चलचित्रलाई बढावा दिन विदेशी चलचित्रलाई बहिष्कार गर्नुपर्नेमा कंगनाको जोड छ।
