काठमाडौं । पेप्सीकोलास्थित सनसिटी अपार्टमेन्टमा कोरोना भाइरस (कोभिड–१९) परीक्षण सुरु भएको छ ।
बुधबार बिहान साढे नौ बजेबाट र्यापिड डाइगोनेस्टिक किट (आरडीटी) विधिबाट ब्लक ‘ए’ का २४२ जनाको परीक्षण गर्न लागिएको हो ।
ब्लक ‘ए’ का २४२ जनाको परीक्षण गर्दा सबैकाे नेगेटिभ रिपार्ट आएमा अरू ब्लककाे परीक्षण गर्न नर्पने स्थानीयले बताउदैँ आएका छन । तर सरकारले सबै ब्लककाे परीक्षण गर्नेगरी तयारी गरीराखेकाे छ ।
मंगलबार ब्लक ‘ए’ मा बस्दै आएका एक महिला र एक पुरुषमा कोरोना संक्रमण पुष्टि भएको थियो ।
स्वास्थ्य अवस्था कमजोर भएका, ज्येष्ठ नागरिकहरूलाई प्राथमिकता दिएर तीन वटा टेबलबाट परीक्षण भइरहेको छ ।
चार जनाको समुहले र्यापिट टेस्ट गरीरहेका छन । यो जनशक्ति एकदमै न्युन हो । यत्तिले मात्र टेस्ट गर्ने हो भने सो अपार्टमेन्टमा रहेका सबैको टेस्ट गर्दा एक हप्ता भन्दा बढी लाग्ने देखिन्छ । सनसिटीमा पाँच वटा ब्लक छन् । त्यहाँ ५ सय परिवारका करिब १ हजार छ सय जना बस्दै आएका छन् ।
८ चैतमा भएको सनसिटी अपार्टमेन्ट वेलफेयर सोसाइटीको चुनावमा संक्रमित परिवारका एक सदस्यले पनि मतदान गरेकाले पाँच वटै ब्लकका बस्नेहरूको परीक्षण गर्न लागिएको हो ।
[/pl_text] [/pl_col] [/pl_row]
