काठमाडौं : भारतीय क्रिकेट खेलाडी पार्थिव पटेलले सबै खाले क्रिकेट फ्रम्याटबाट सन्यासको घोषणा गरेका छन् । भारतीय टोलीका विकेट किपर ब्याट्सम्यान पार्थिव पटेलले सन्यासको घोषणा गरेका हुन् । लामो समय भारतीय क्रिकेटमा उत्कृष्ट प्रदर्शन गरेका ३५ वर्षीया विकेट किपर पटेलले ट्वीट गर्दै सबै ढाँचाका क्रिकेटबाट सन्यास लिएको बताएका छन् ।
भारतका लागि २५ टेष्ट, ३८ एक दिवसीय र २० टी–ट्वान्टी अन्तर्राष्ट्रिय खेलेका उनले १८ वर्ष क्रिकेट करियरमा बिताए । “मैले आज सबैखाले क्रिकेट ढाँचाबाट बिदा लिइरहेको छु । म आज आफ्नो १८ वर्षको क्रिकेट यात्रा अन्त्य गर्न गइरहेको छु । मलाई यहाँसम्म पु¥याउन बीसीसीआईले महत्वपूर्ण भूमिका खेल्यो । ममा भरोसा गर्यो,” पटेलले लेखेका छन् ।
१७ वर्ष १ सय ५२ दिनमा टेष्ट क्रिकेटमा डेब्यु गरेका पार्थिव पटेलले करियरमा ३१ दशमलव १३ को औसतमा ९ सय ३४ रन बनाएका थिए । जसमा ६ अर्धशतक पनि छन् । पार्थिवले एकदिवसीय करियरमा २ हजार ८ सय ४८ रन बनाएका छन् । उनले पहिलो श्रेणी क्रिकेटमा १ सय ९४ खेलमा २७ शतक सहित ११ हजार २ सय ४० रन बनाए ।
