काठमाडौं । काठमाडौं नयाँबजारकी ६४ बर्षीय महिलामा कोरोना ‘पोजेटिभ’ देखिएको छ ।
नयाँबजारस्थित खुसिबुकी ती महिलाको बुधबार टेकु अस्पतालमा स्वाब संकलन गरिएको थियो ।
आज उक्त स्वाब परीक्षणका क्रममा कोरोना रिपोर्ट पोजेटिभ आएको हो । संक्रमित महिलाको हाल पाटन अस्पतालमा उपचार भईरहेको छ ।
स्वास्थ्य अवस्था सामान्य देखिएपनि टेकु अस्पतालले नै उनलाई पाटन अस्पताल रिफर गरेको हो ।यद्यपी यसको आधिकारिक पुष्टि भने स्वास्थ्य मन्त्रालयले गर्न बाँकी छ ।
