कोरोना भाइरसको संक्रमणबाट थप नौजनाको मृत्यु

काठमाडौं । कोरोना भाइरसको संक्रमणबाट थप नौजनाको मृत्यु भएको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमणबाट देशभर नौ जनाको मृत्यु भएको हो । 

सोमबार देशभर १९ जना कोरोना संक्रमितको मृत्यु भएको थियो । 

आइतबार देशभर कोरोना संक्रमणबाट ७ जनाको मृत्यु भएको थियो भने शनिबार ८ जनाको मृत्यु भएको थियो । 

हालसम्म कोरोना संक्रमणबाट मृत्यु हुनेको संख्या ५६३ पुगेको छ ।  हालसम्म कुल कोरोना संक्रमितको शून्य दशमलव ६२ प्रतिशतको मृत्यु भएको छ ।