लहान । युवतीमाथि पटक पटक बलात्कारको प्रयास गर्न खोज्ने एक जनालाई प्रहरीले पक्राउ गरेको छ ।
लकडाउनको बेला विभिन्न प्रलोभनमा पारी जबरजस्ती करणी गर्न खोज्ने सिरहाको कर्जन्हा नगरपालिका १ रतनपुरका लक्ष्मण खत्रीलाई ईलाका प्रहरी कार्यालय मिर्चैयाबाट खटिएको प्रहरी टोलीले पक्राउ गरेको हो ।
पिडितले पक्राउ परेका खत्रीविरुद्ध जबरजस्ती करणी मुद्दा शिर्षकमा जाहेरी दरखास्त दिएकी छन् । सिरहा जिल्ला अदालतले थप अनुसन्धानका लागि खत्रलिाई १० दिनको म्याल थप गरेको छ ।
खत्रीमाथि थप आवश्यक अनुसन्धान अघि बढाइएको ईलाका प्रहरी कार्यालय मिर्चैयाका प्रहरी नायब उपरीक्षक डिएसपी सन्तुलाल प्रसाद जैसवालले बताए ।
