काठमाडौं । नेपालमा कोरोना भाइरसका ६७१ संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ६७१ संक्रमित थपिएका हुन् ।
यो अहिलेसम्मकै दैनिक उच्च वृद्धि हो ।
बुधबार एकैदिन ५८६ कोरोना संक्रमित थपिएका थिए भने मंगलबार ३८० संक्रमित थपिएका थिए ।
त्यसअघि सोमबार एकैदिन ४५५ संक्रमित थपिएका थिए ।
देशभरका ७४ जिल्लामा कोरोना संक्रमण फैलिएको छ ।
कुल कोरोना संक्रमित ७ हजार ८४८ जना रहेका छन् ।
पछिल्लो २४ घण्टामा १९ जना डिस्चार्ज भएका छन् ।
हालसम्म देशभरका २२ प्रयोगशालाबाट पीसीआर परीक्षण भइरहेको छ ।
देशभर हालसम्म एक लाख हजार ५५ हजार ५१८ पीसीआर परीक्षण गरिएको छ भने दुई लाख हजार ४३ हजार ७५ हजार जनाको आरडीटी परीक्षण गरिएको छ ।
पछिल्लो २४ घण्टामा ५ हजार ७४६ जनाको पीसीआर परीक्षण गरिएको छ ।
देशभरका विभिन्न क्वारेन्टिनमा एक लाख १६ हजार २१५ मानिसहरु रहेका छन् भने आइसोलसनमा ६ हजार ६४८ कोरोना संक्रमितहरु रहेका छन् ।
