काठमाडौं : कक्षा १२ को परीक्षा आजदेखि सुरु हुँदै छ। राष्ट्रिय परीक्षा बोर्डका अनुसार परीक्षा आगामी असोज ८ गतेसम्म हुनेछ।
परीक्षा बिहान ११ बजेबाट सुरु हुनेछ। परीक्षामा पौने चार लाख विद्यार्थी सहभागी हुने छन्।
यसअघि बोर्डले जेठ २६ र साउन ३१ देखि परीक्षा गर्ने भने पनि कोरोना संक्रमणको त्रासका कारण स्थगीत भएको थियो।
यसैबीच, बोर्डले कोभिड–१९ संक्रमित विद्यार्थीलाई पछि परीक्षा दिने व्यवस्था गरेको छ ।
