नेपालगञ्ज: भेरी अञ्चल अस्पताल नेपालगञ्जमा उपचाररत कोहलपुर नगरपालिका–२ बाँके निवासी ७४ वर्षिय वृद्धको कोरोना सङ्क्रमणबाट आज बिहान मृत्यु भएको छ ।
उपचारका क्रममा आज बिहान मृत्यु भएको भेरी अस्पतालले जनाएको छ। अस्पतालका अनुसार यही मङ्सिर ६ गते अस्पताल भर्ना भएका ती पुरुषमा कोरोना सङ्क्रमण देखिएको थियो।
आइसियुमा उपचार भइरहेका उनको आज बिहान मृत्यु भएको हो। योसँगै कोरोना सङ्क्रमणबाट बाँकेका ज्यान गुमाउनेको सङ्ख्या ३९ पुगेको छ।
