काठमाडौं । नेपालमा कोरोना संक्रमणबाट मृत्यु हुनेको संख्या पाँच पुगेको छ । स्वास्थ्य तथा जनसंख्या मन्त्रालयले आज गरेको पत्रकार सम्मेलनमा यसबारे जानकारी दिइएको हो ।
मन्त्रालयका प्रवक्ता डा. विकास देवकोटाका अनुसार ललितपुरका एकजनाको मृत्यु भएको हो । उनको ललितपुरमै रहेको किस्ट अस्पतालमा उपचारका क्रममा मृत्यु भएको डा. देवकोटाले जानकारी दिए । उसो त पछिल्लो चौबीस घण्टामा एक सय ५६ जनामा कोरोना संक्रमण देखिएको मन्त्रालयले जनाएको छ ।
प्रवक्ता डा. देवकोटाले आज थप १५६ जना थपिएको जानकारी दिए । उनले एक सय ५६ जना थपिएससँगै नेपालमा कोरोना संक्रमितको संख्या एक हजार ४२ पुगेको बताए ।
कलेजोको समस्या देखिएका ति पुरुष जेठ ११ गते अस्पताल भर्ना भएका थिए । १२ गते आईसीयूमा राखेर उपचार गरिएको थियो । उनको सोही दिन कोरोना परीक्षणका लागि स्वाब संकलन गरेर राष्ट्रिय जनस्वास्थ्य प्रयोगशाला पठाइएको थियो । ती पुरुषको मृत्यु बुधबार भएको हो ।
