साताको पहिलो दिन सेयर बजार परिसूचक नेप्से सूचकमा सामान्य गिरावट आएको छ । गत बुधबार र विहिबार सामान्य बढेको बजार आइतबार पुनः घटे सँगै कारोबार रकम समेत घटेको छ।
आइतबार नेप्से सूचक ८.४८ अंकले घटेर २८३४.५१ विन्दुमा झरेको छ भने सेन्सेटिभ सूचक पनि सामान्य घटेको छ।
असार मसान्त नजिकिदैं गर्दा बैंकको ब्याजको दबाबले पछिल्लो समय कारोबार रकम लगातार घट्दो क्रममा छ। आइतबार कारोबार रकम ५ अर्बकै हाराहारीमा झरेको छ। यस दिन २२४ वटा कम्पनीको १ करोड ८ लाख ४२ हजार २२१ कित्ता शेयर ५ अर्ब ५ करोड ३५ लाख, ३८ हजार २५७ रुपैयाँमा खरिद बिक्री भएको छ।
यस दिन कारोबारमा आएका १३ वटा उपसमूहमध्ये ३ उपसमूहको सूचक सकारात्मक देखिएको छ भने बाँकी १० उपसमूहको सूचक नकारात्मक देखिएको छ। आइतबार होटल उपसमूहको सूचक सबैभन्दा धेरै २.३६ प्रतिशतले बढेको छ।
आइतबार कारोबारमा आएका कम्पनीहरुमध्ये ४१ कम्पनीको शेयरमूल्य बढेको छ भने १३८ कम्पनीको घटेको छ। यस्तै ४ कम्पनीको शेयरमूल्यमा भने कुनै परिवर्तन भएको छैन्।
