काठमाडौं । प्रदेश नम्बर एकको उदयपुर जिल्लाको त्रियुगा नगरपालिकामा थप आठ जनामा कोरोना संक्रमणको देखिएको छ ।
कोशी अञ्चल अस्पतालको ल्याबमा गरिएको परीक्षणबाट थप ८ जनामा कोरोना संक्रमण देखिएको श्रोतले जनाएकोछ । उनीहरुलाई लिन प्रदेश १ सरकारले एम्बुलेन्स पठाएको छ ।
यस अघि संक्रमित भनिएकाहरुलाई विराटनगरस्थित कोशी कोरोना अस्पताल अथवा धरानको बीपी कोइराला स्वास्थ्य विज्ञान प्रतिष्ठान कहाँ राख्ने भन्ने विषयमा धरानमा चिकित्सकबीच छलफलमा भएको थियो ।
वैशाख ६ गते शनिबार संकलन गरेको ६९ वटा स्वाब कोशी अस्पताल परीक्षण भएको थियो ।
भुल्केमा मस्जिदमा बसेका दुई नेपालीसहित भारतबाट आएका ११ जना मुस्लिममा कोरोना पुष्टि भएसँगै नेपाली सेनाले भुल्के आसपासको बस्तीमा तीन दिन लगाएर स्वाब संकलन गरेको हो । त्यहाँ तीन दिनमा ३ सय २१ जनाको स्वाब संकलन गरिएको थियो ।
प्रदेश सरकारले प्रतिष्ठानमा पनि आईसोलेसन बनाएको छ ।
आइतबार भुल्के आएको नेपाली सेनाको छाउनी अस्पतालका चिकित्सक टोलीले दुई दिन लगाएर २ सय ५२ जनाको स्वाब संकलन गरेर काठमाडौं लगिसकेको छ । ती नमूनाको परीक्षण काठमाडौंमा भइरहेको छ ।
प्रदेश एकका प्रहरी प्रवक्ता डीएसपी सुमन कुमार तिमिल्सिनाले सबैलाई धरान लगिएको पुष्टि गर्दै थप परीक्षणका लागि लगिएको बताए ।
