रुपन्देही जिल्लाको सिद्धार्थनगर नगरपालिका एक डण्डास्थित सीमा इलाकाबाट मंसिर १४ गते एपीएफ टोलीले २४ वटा नेपाली पासपोर्टसहित एक जनालाई पक्राउ गरेको छ। पक्राउ पर्नेमा धनुषा जिल्लाको जनकपुर उपमहानगरपालिका ४ बस्ने २६ वर्षिय चन्दनप्रसाद रौनियार छन् ।
उनलाई सशस्त्र प्रहरी बल, नेपाल बोर्डर आउट पोष्ट डण्डाबाट खटिएको एपीएफ टोलीले शंका लागि जाँच गर्दा उनको साथमा युक्रेनको भिषा लागेको ५ वटा तथा अन्य १९ वटा नेपाली पासपोर्ट फेला परेपछि पक्राउ गरिएको हो ।
पक्राउ परेका निज रौनियारलाई बरामद पासपोर्टसहित आवश्यक कारवाहीको लागि इलाका प्रहरी कार्यालय बेलहियामा बुझाइएको छ ।
